لاہور-وزیراعلیٰ پنجاب مریم نواز شریف چین کے چار روزہ سرکاری دورے پر روانہ ہو گئے۔ وزیراعلیٰ مریم نواز شریف کی چین روانگی کے وقت چینی قونصل جنرل سن یان ایئرپورٹ پر موجود تھے۔ ارمچی انٹرنیشنل ایئرپورٹ پہنچنے پر چین کے سینئر حکام وزیراعلیٰ پنجاب کا استقبال کریں گے۔ مریم نواز اس کے بعد سنکیانگ سٹیٹ گیسٹ ہاؤس کے کنلن ہال کانفرنس سینٹر میں اپنی سرکاری مصروفیات کا آغاز کریں گی۔ صوبہ سنکیانگ کے پارٹی سیکرٹری چن شیاؤجیان کی قیادت میں اعلیٰ سطح کا وفد مریم نواز سے ملاقات کرے گا۔ وہ سنکیانگ ایغور خود مختار علاقائی کمیٹی کے ڈپٹی پارٹی سکریٹری He Zhongyou سے بھی ملاقات کریں گی۔ وزیراعلیٰ سنکیانگ پروڈکشن اینڈ کنسٹرکشن کور (XPCC) کے ایک وفد سے بھی ملاقات کریں گے۔ سنکیانگ ایغور خود مختار علاقائی کمیٹی کے ڈپٹی پارٹی سیکرٹری اور پارٹی سیکرٹری اور پولیٹیکل کمشنر ہی ژونگ یو مریم نواز شریف اور پنجاب کے وفد کے اعزاز میں عشائیہ دیں گے۔ وزیر اعلیٰ مریم نواز شریف اپنے دورے کے دوران چین کی سرکاری مہمان کے طور پر سنکیانگ سٹیٹ گیسٹ ہاؤس میں قیام کریں گی۔