کرک: خیبرپختونخوا کے ضلع کرک میں مسلح حملہ آوروں کی پولیس پر فائرنگ کے نتیجے میں اسٹیشن ہاؤس آفیسر (ایس ایچ او) سمیت دو پولیس اہلکار شہید ہوگئے۔ پولیس کے مطابق واقعہ نیو کرپہ کے علاقے میں پیش آیا، جہاں نامعلوم مسلح افراد نے پولیس اہلکاروں پر فائرنگ کردی۔ اس حملے میں ایس ایچ او بانڈہ داؤد شاہ داؤد خان اور ان کا گن مین فرہاد ہلاک ہو گئے۔ واقعہ کے بعد کرک کے ڈسٹرکٹ پولیس آفیسر عمران خان اضافی پولیس نفری کے ہمراہ جائے وقوعہ پر پہنچ گئے۔ پولیس نے حملے میں ملوث افراد کی گرفتاری کے لیے علاقے میں سرچ آپریشن شروع کر دیا ہے۔