اسلام آباد: محکمہ موسمیات کے مطابق آج ملک کے بیشتر علاقوں میں بارش کا امکان ہے۔ پنجاب میں راولپنڈی، مری، گلیات، اٹک، چکوال، جہلم، گجرات، گوجرانوالہ اور لاہور سمیت کئی اضلاع میں بارش کا امکان ہے۔ شیخوپورہ، سیالکوٹ، نارووال، ساہیوال، خوشاب، سرگودھا، بھکر اور لیہ میں بھی بارش کا امکان ہے جب کہ میانوالی، قصور، اوکاڑہ، جھنگ، فیصل آباد، خانیوال، ملتان اور وہاڑی میں بھی بارش ہوسکتی ہے۔ محکمہ موسمیات کا کہنا ہے کہ خیبرپختونخوا کے بیشتر اضلاع میں موسم گرم اور خشک رہے گا۔ تاہم دیر، چترال، سوات، کوہستان، شانگلہ، بٹگرام، بونیر، کوہاٹ اور ڈیرہ اسماعیل خان میں بارش کا امکان ہے۔ خیبر، وزیرستان، مانسہرہ، ایبٹ آباد، ہری پور، پشاور اور صوابی میں بھی بارش کا امکان ہے۔ سندھ کے بیشتر اضلاع میں موسم گرم اور خشک رہنے کا امکان ہے۔ کراچی میں زیادہ سے زیادہ درجہ حرارت 35 ڈگری سینٹی گریڈ تک جا سکتا ہے۔ بلوچستان کے بیشتر اضلاع میں موسم گرم اور خشک رہنے کا بھی امکان ہے، تاہم بارکھان، سبی، کوہلو اور ژوب میں بارش متوقع ہے۔